لا تقرأ في بلادي ثلاث
لا الشبيبة / ولا عمان / ولا الوطن
هذي الجرايد كلها
ديكور في عرش الوثن
فيها المثقف بهلوان
والحكومة سيرك قومي
كل من ينط الحبل يتقاضى ثمن
هذي الجرايد مجرمة في حق شعبي
تزرع أنياب الفقر في صبحنا وتكذب علينا كل يوم
فيها المحرر مشي حالك
والشعر رمزي .. وشعرنا لو صَّدق حروز المشعوذ صاحب الباشة المحرر
يعني صلي بلا ركوع ولا سجود
شعرنا لا شك هالك.
وفيها الفصيح الشاعر المغرور ((ناسخ))
والذيب في ثقب الجبل / ظل وذبل
منهج ممنهج في المطابخ
يعني مثقف لو تثقف
ممكن يكون / عامل نظافة في المسالخ
كم ألف يوم فعمري فات
أقرأ الجريايد كل صبح
وأضحك على نفسي بسكات.
وأهمس لصورة في الجريدة
يا جريدة
كل هذا الكذب بايخ.
أحمد العريمي
