ولا شي

لا ولا شي .. واحد يكتب يطلب حق / والثاني ينبح في الشارع / وبلادك يا أبو حمزة غي


لا ولا شي / شعب يناضل لجل يعيش / ومسقط تسأل عن مشروع الصرف
 الصحي وكيف النخلة ماتت ري.


لا ولا شي / كل من سجن أخواني أنناني / ربوي ياكل لحمي نَّي


لا ولا شي / خيل السيد في الطيارة / ولما أمي مرضت ... ماتت / وديوانك ما قدم شي .


لا ولا شي / مجلس شورى وشد وزارة / والعوفي من الشارع طالع / سمى الثورة لعب شوارع / وصفق كل المجلس صفق / عاش المجلس حلو الزَّي . 


لا ولا شي / عبدالله الغملاسي بلاش / ودم العلوي يمشي بلاش / يا مجلس شورى يا وطني / دم الشهدا يصرخ وطني / ويرسم نخل يظلل وطني / وأنت تنفخ جرحنا كَّي 
   
لا ولا شي /  فك ذراعي يكفي لَّي      


لا ولا شي / بس يقولوا الظلمة العتمة / فبطنها ضي. / لا ولا شي  


أحمد العريمي