لا أقدر أطير
ولا أقدر أمشي في الشوارع إلا على حبل الحذر
أتبع خطاوي طفلتي في غرفتي
خطوة عسل
وخطوة غمام
وكل ما قلت احضنيني يا سما / طار الحمام
تقول لي لا تترك عيوني وحيدة .. لا تموت
أتبسم الحزن وأنادي/ يا إلاهي
وأتظلل بنخل المطر والبرد في فصل السكوت
دمعة تطيح / ودمعة تشربها جفوني من الخجل
والبلد تابوت
أتوسد يدين الفقر .. وأتغطى بهمومي وأنام
وأصحى على صوت المنافي يا سما منحوت.
أحمد العريمي
