في زحمة الأوراق
ثار المسا عشاق
وتزاحمت كل النجوم فحضرت غيابك/
وأنا والعطر في التخت
نلبس ثياب السبت
نجمع لك الأيام ونرتب ثيابك/
هذا سرير الغيم
وقلب(ن) يبي ترميم
كم مرة لازم ينكسر من دمعة عتابك/
لا تذكري ما فات
هاتي وقولي هات
هاتي يدين الحب/ ما أعذب إرهابك/
وأنا لك علي أتلعثمك
بين الورق وأتكلمك
وأكتب قصيدة من عنب في رعشة شفاتك/
وأقول للفجر أنتظر
خليني أصحى وأنكسر
خليني أسكر حب و أثمل للأبد/ في ظلة أهدابك
أمشي فشواطي الكحل ليل
أجمع حكاوي البحر نيل
وأنتي تنامي في الغمام ملكة جمال الحب / وردة من لغة . وأتنفس أحيابك
أحمد العريمي
