دثريني /
البرد ذيب
خايف أنام وينهش القلب وأطيح
في ظل ظلي وأستريح من التعب خايف أطيح
دثريني/
الصمت خنجر
يمشي حافي في شرايني ويغرق في دمي
وأحزن عليك من الألم
أفتح عيوني في عيونك وأبتسم
يغمى عليَّ/
أتنفسك أشهق .. وأطيح
دثريني /
واحمليني بين جنحانك وطيري
علميني الإختلاف
قولي للغيم فيديني لا تخاف
تحملين الغيم وأضحك
يبتسم لي الغيم/ أطيح
دثريني
يا ظلال الياسمين
وأنشليني من بلاد(ن) تاكل يديني لو كتبت
أنا رأس مالي كفي الإيمن وقلبي
ولو طاح قلبي / وكفي الأيمن... خلاص
لازم تمدي يديك لي/
وتسنديني لجل أطيح.
دثريني
حرريني من الحصار
انقذيني من عيون المخبرين
ومن طوابير الفقارى اللاجئين
وجاوبيني ..
لو سألتك
كم مرة(ن) لجل الوطن لازم أطيح؟؟؟
أحمد العريمي
