ذكرتك/
واسمحيلي
رغم ظلمي لك ذكرتك
رغم انك ماعشقتيني
ارتبكتك.
في غيابك
كل شي(ن) كان حاضر
إلا وجهك
والغريبة قبل أسافر
ماسألتيني سألتك
ممكن إنا نلتقي؟
ماحكالي غير صمتك
وقتها صدّقت إني
لحظة وداعك خسرتك
واني من أول لقا
ماضبطّ إيقاع قلبي
ولا تعلمت الفصول
اللي مرت في عيونك
كل شي(ن) مر فيها
كان يصرخلي يقول
قول أحبك...
ما نطقت
ولا كتبت
ولا نزفت إلا رحيلي
كنت أقسى من عدوك
رغم انه كان قربك شخص يبكي
كان ظلك
وقتها
ماسال دمعي من هدب عيني
ظلمتك
رغم انه
كان دمعك
يشتعلبك..ينطفيبك
ومااذكر إني بعدها عنك سألتك
والغريبة أني في دمي ارتحلتك
إيه ياملح الأغاني
رغم ظلمي لك ذكرتك.. وارتبكتك
جيت أفتش في مراحك
عن قصيدة
عن وفى
عن نور يهديني لوشاحك
مالقيت فـ شنطت جراحي ..جراح(ن) من جراحي
للأسف كانت جراحك
ولا لمحت إلا غيابي
بين أقدام الحروف
ولا قريت إلا غيابك
إيه ياملح الأغاني
سامح الله كل ذنب(ن)
من ذنوبي
ويسعد الله كل شي(ن)
من هنا حتى صباحك
أحمد العريمي
