وأخرك على وين ؟
نمشي وراك نتوه
يا سلمى ليش التعب
وليش الفرح مشبوه
عمرك ما قلتِ خذ
دايم يدينك هات
حتى أنا أمنت / من يتبعك معتوه
صفي لنا الأيام.. يا قاسية صفي
عودي بنا للمدرسة
ولا تاخذي الطابور فيدينك لصفي
طرزت لك كل الشوارع بالأمل
ولا ثمر فيك الصبر .. ما لك سوى كفي
يا أللي الحواري بك عطش هاك أشربي صوتي
صبي الشقى في الكاس.. وتأملي موتي
ما عاد يعنيني التعب
عصفور أغني في الشجر / يذبحني سكوتي
دنيا البشر سلمى .. لا تفتحي الشباك
يكفي المسا عتمة .. من بالمسا أغراك؟
لا تطلبي مني ((نعم))
أنا لا نعم ما دمت حي / إلا لمن سواك
أحمد العريمي
