1
أزمة نفط
إلحق / إمسك / خزّن نفط
هذا ناتج كثر الشفط
في السيارة تدور تدور .. والأرنب أسود وينط
وأنته باحث عن بترول / لو زادت هالأزمة يا عمي
إصنع عربة
بس الأولى في العالم يسحبها قط .
ولا تلوم الشورى المسكين
رفض المدعوا الإستجواب .. سيَّدها وشهر التحصين
قالو معالي .. وقلنا تعالي .. شعب بحاله في التأمين
تحيا الخطة المحكمة جدا / نهضة توقف ضد الفهم ... في معنى رمز التعمين.
2
أزمة مواشي
قال ايش .. أزمة مواشي في البلد
هذا غريب
يا كثر قطعان المواشي في الشوارع ..
ارفع غصن زيتون أخضر للسلام ويافطة مكتوب فيها .. خف علينا .
وعد لو تقدر مواشي
عد في الصحف كم ماشية تنزع عليك
وكم ماشية ترسل على رقمك رسالة تسب فيك
وتنتبه إنك محاصر بالمواشي .. تسحب كلامك ..
تكتب الجملة بعد تصحيحها
فاضت زرائب هالبلد .. وهذا ممكن.. بس غريب.
أحمد العريمي
