في كل حرف أتنفسك
ولو مرة حسيت إني من شوقي تعبت
أرمي العلم للسقف ويظلل حنيني. بالسلام
وبعدها أقدر أنام
لأني أنا بكل اختصار .. ما أنام إلا بعد ما أتلحفك.
هذا القمر .. قلبي الصغير
يا أنت لا تلوحي القمر
خليه في غصن الفلك يسبح يطير
يكتب على الموجة شعر
وينط من غيمة لغيمة .. مثل أرنب
مثل ثعلب
ولو تنزل مرة مني لجل يشرب
إفتحي يدينك دخيلك وأتركي الباقي عليه
يمم صباحك صوت هذا النص / وسال
أما تجيني وتحضنيني يا عمان
أو لو سمحتي فسري لي .. ظل هذا البعد ليه؟!!
المنفى قاسي يا بلد ..
جاوبيني بكل تفاصيل السؤال
هذا الغياب الغصب عنك / يا أمنا ماذا يليه؟
الورد في قلبي الصغير .. أرويه لك
وأنتِ متى ماشئتي مني اقطفيه / إن شئتي .
وإن شئتي يطول الإنتظار
تسلم عيونك .. اتركيه.
أحمد العريمي
